advertisement

 

學彭玲唱道:一世穿一次小玩意,是你畢生大志。若然真的當玩意,就要豁出去,挑特別創新有趣的款式了!以下各款出位婚紗,保證令你大開眼界!有幾趣?請比趣!

 

1.    公主病至愛 化身迪士尼主角

 

迪士尼公主幾乎是全球小女孩的偶像,公主的戲服長賣長有。加拿大一間專門做印度風格的婚紗店Wellgroomed Designs,別出心裁地將印度傳統婚紗照打造為迪士尼公主系列,不僅保有印度服飾特有的華麗感,在攝影師Amrit Grewal的鏡頭下,畫面更是奇特、夢幻。唔知幾時會出Frozen系列呢?

 

2.    蒙古紙婚紗 人形雕塑

 

現今的蒙古族婚紗禮服已經有了明亮而大膽的顏色和款式,不過俄羅斯剪紙藝術家Asya Kozina認為顏色會分散人們對於服裝細節的注意力,為了突出藝術美感,特意在蒙古族婚紗原形的基礎上,起用白色的紙來創作,成品既有古典巴洛克風格,又有未來主義的感覺,讓人歎為觀止!不過穿上身後,一整天都不可坐呢!

 
3.    拖尾兩公里 真正長長久久

 

看周董老婆昆凌穿的拖尾款的婚紗,感覺就像童話公主般夢幻。外國有新娘子做了一條長兩欲公里的婚紗,喻意長長久久。不過新娘子得要坐氫氣球吊起,才得見全裙原貌,認真大陣仗!

 

4.    吃到飽 蛋糕婚紗

 

新娘子在Big Day的唯一任務就是以最美一面示人,為了保持扁平腹,又或顧著招呼和拍照,很多時候都忘了要吃東西醫醫肚。這條蛋糕婚紗,就可以解決兩難了!不過,新娘子要全晚企定定,到最後食晒,唔知會變成點呢?

5.    環保至上 報紙婚紗

 

短裙婚紗係大潮流,用報紙造更加是走在最前。睇呢件報紙婚紗,短裙+ruffle+one shoulder設計,既trendy,又成件artpieces咁,一定可以吸引全場目光。

6.    慳錢最強 廁紙婚紗

 

明明知道婚紗只會穿一次,女士們都願意大灑金錢買條only one,然後長存衣櫃。既然一殺那光輝都可以永恆,這條用廁紙造的婚紗,驟眼看甚有氣勢,用來影pre-wedding的確一流!Big Day正日就免了,怕酒水弄濕後會「裙」不附體就唔好啦!

7. 甜到漏 白朱古力婚紗

 

朱古力喻意甜甜蜜蜜,用朱古力做婚紗,更加是甜上加甜啦!玩埋朱古力雕花,款式可以好百變!好彩呢件係白朱古力,若然係黑朱古力,溶化之後的樣子實在不敢想像呢!

8. 忍俊不禁 YSL由頭笠到腳

 

坦白而言,一看到張圖,的確忍俊不禁,攪甚麼鬼呀!十足在街頭派傳單推銷似的!但睇真d,原來是1965年 ,由YSL大師設計編織的!噢,失覺曬,唯嘆一句:「fashion嘅嘢,你識咩丫……」

9. 避孕套婚紗

 

低處未算低,看到這裡,小編無言了……