advertisement

近期憑《金宵大廈》再度人氣急升嘅陳山聰,據聞今年有望奪得TVB視帝,不少人認為山聰能夠走出事業低潮,全靠背後有個旺夫女友,亦即是準太太Apple(陳麗萍)。兩人拍拖5年,將於今年11月1日於香港舉行婚禮,山聰表示希望自己與Apple都希望一切從簡,最重要是家人同最好的朋友在場,與他們分享喜悅,就是最美好的一晚。

法國婚攝製造美好回憶

雖然婚禮不會大搞,不過山聰亦十分重視婚照拍攝,早前有同Apple遠法國影浪漫婚紗相。他表示:「其實我同太太拍拖5年入面,我都冇為佢做過咩浪漫事,依家終於要結婚喇,我好想帶佢去一個好浪漫嘅地方影相補數,希望俾佢有個美好回憶。法國係一個我相信大部分女仔都鍾意嘅地方,加上太太以往都未去過法國,所以好想同佢喺呢度影一輯靚靚婚紗相,成為我同佢之間一個最美好同難忘嘅回憶。」有心唔怕遲,相信Apple都好冧。
二人婚照曝光後,好多人都大讚Apple好省鏡似明星,而且婚照拍得超唯美。山聰表示今次拍攝婚紗相真係要多謝好多兄弟姊妹的幫忙,令他能夠用最有限的預算,做到最佳、最滿意的效果。他說:「攝影師Frankie係幫袁偉豪影寫真嘅攝影師,亦係我哋嘅好朋友。化妝師同髮型師都係一向合作開嘅兄弟班,服裝方面,有Kev親自設計嘅婚紗,連裙上面嘅喱士都係由法國運返嚟做。大家都知我係貪靚鬼,我套禮服係買嘅,好彩有蘇永康同佢太太仗義幫忙,我先得到呢套好有型嘅禮服。」山聰的婚照其中一個背心造型真係好搶鏡!

跌跌撞撞愛情之路

恭喜山聰能夠同Apple有情人終成眷屬!其實山聰這些年來的愛情之路實在不好走,現年42歲的山聰情路曲折,2010年正值事業上位時,他被爆與年長12年的設計師女友Ponny拍拖10年,傳出好事近。然而在2011年初,忽然傳出他力追賭王何鴻燊女兒何超雲,更同時爆出他與Ponny早在2008年已秘婚。立即掛上棄糟糠的「陳世美」形象,當時不少人封他做賤男,為求追何家千金而把前妻一腳伸開。當年他與何超雲「撻著」而經常開工遲到,又傳出與好朋友伍詠薇交惡,而且態度乞人憎。可惜「山雲戀」只維持了兩年,二人於2013年分手收場。
分手一年後,陳山聰認識了Apple,女方不介意他的過去,願意默默陪伴他走出陰霾。陳山聰坦言自己跟Apple算性格互補,她性格斯文乖巧,與自己的活躍好動成對比。近年山聰食素,Apple她不時煮齋菜又煲愛心湯,讓他開工時有愛心飯盒。為了不影響山聰的事業,多年來Apple一直沒有要求公開戀情,好讓他的包袱少一點。
在旺夫女友默默支持下,陳山聰變得更成熟,事業亦開始好轉,更於2017年奪得TVB萬千星輝頒獎禮「最佳男配角」,而近日出演《金宵大廈》男主角大受好評,有望奪得TVB視帝,真正愛情與演藝事業皆得意。

Photo︰Internet