advertisement

何雁詩(Stephanie)與鄭俊弘(Fred)於今年初在社交網站宣布結婚,原本計劃於美國某酒莊舉行婚禮,但礙於疫情關係而改變計劃,將於11月7日在香港舉行簡單的婚禮。近月來他們除了開心過大禮之外,亦在社交網站上載更多pre-wedding相,以及公開拍攝花絮的影片,勁多sweet爆場面。

即將成為人妻的準新娘Stephanie

即將成為人妻的準新娘Stephanie更為未來老公創作一首「愛的歌」,歌詞、旋律都好冧,而MV更由二人親身上陣。呢對準新人兩個都好鍾意唱歌,已經一早準備好big day當日的婚禮歌單。shebrides趁二人的大日子來臨前夕,找來Stephanie分享一下她的準新娘心情,更即席自彈自唱她心目中的婚禮歌單(迎賓、march in、祝酒、散席),一齊去片欣賞!

 

Shebrides︰你心目中的婚禮歌單是怎樣?

Stephanie︰我心目中嘅婚禮歌單會係好多我同阿Fred一齊長大嘅歌,本身我哋自己嘅婚禮歌單入面都好多係90年代嘅歌或者啲R&B嘅歌,因為呢啲都係我哋最鍾意嘅歌星。」

Stephanie’s Playlist自彈自唱

Shebrides︰為什麼會創作出新歌《基本戀愛套路》?

Stephanie︰呢首就係我寫比Fred嘅歌,佢就係好簡單咁樣形容咗我哋兩個嘅關係,其實並唔係好似外界睇得咁複雜。我哋兩個有大家喺身邊,每一日都係屋企就已經好足夠!

何雁詩Stephanie宣布結婚.jpg

Shebrides︰大日子將到,作為準新娘的心情如何?

Stephanie︰依家距離我婚禮仲有好短時間,其實我都幾緊張。因為開頭我都覺得我係一個好放鬆嘅人,咩都覺得冇乜所謂。但係嚟到最後一擊,我就覺得真係好多決定要做。所以都好明白原來之前好多曾經結過婚嘅朋友都話臨尾會特別緊張嘅!我希望可以玩下音樂,令到自己放鬆番少少。

何雁詩將於11月7日在香港舉行簡單的婚禮

Shebrides︰疫情下很多準新人都選擇「輕婚禮」,你亦改為舉辦簡單的婚禮,可否分享心得?

Stephanie︰我覺得今年喺2020或者將會喺2021年結婚嘅新人,比較要注意就係傾合約上嘅問題時都要有兩手準備。如果真係要延遲嘅話,都要傾清楚使唔使俾額外收費,要了解清楚先。咁但係最緊要的係新娘同埋新郎都要保持一個盡量輕鬆嘅心態,當你預咗可能會有改變嘅時候,就唔好令到太緊張,影響大家結婚嘅情緒。

何雁詩準新娘的心情

COORDINATION : Joey Chen

VIDEOGRAPHER : Johnny Yau、Jackie Chan

EDITING : Yin Lau

VENUE︰The Air (The ONE)

WARDROBE︰Phase Eight、Swarovski

HAIR: Green Cheung @ admix hairstyling

MAKEUP: Leo Tam

 

想打造出最完美的輕婚禮,留意shebrides一系列 #輕婚禮 資訊。

延伸閱讀︰輕婚紗必配白波鞋!編輯網購推介︰厚底、金邊、銀釘、喱士增添華麗感

延伸閱讀︰【輕婚禮提案】沒有華麗浮誇卻仍很美!2020-21輕婚紗推介(持續更新)