李璧琦宣佈7月結婚！缺乏安全感的她要下決心嫁人絕不容易

唱得又主持得的李璧琦 （Becky）宣佈將於今年7月結婚，與拍拖3年的跨國企業男朋友 Adrian 拉埋天窗！而李璧琦更選擇與男友Adrian相識的5周年的紀念日宣佈我要結婚的好消息，好浪漫呀！可能大家都唔知Becky從小對感情都缺乏安全感，要下決心承諾相愛一輩子，一點也不容易⋯⋯

李璧琦單親家庭缺安全感

李璧琦予人的印像一向都是獨立又成熟，無論工作和感情事均態度都非常決斷，這一切也源自她在單親家庭長大的背景，這背景為她帶來事業，卻令她對感情失去安全感。加上她曾經與一名拍拖多年的男友無疾而終，更加令她對愛情與身邊人失去信任。

一切由Marvel開始

直到2007年李璧琦遇上Adrian， 那時他們只是每年在同一朋友的生日會中碰面，Becky並沒有留意Adrian，那樣維持了7年。直到有一天，介紹李璧琦認識Adrian的朋友，決定促成二人交往，於是鼓勵單身的Adrian追求同樣單身的李璧琦，愛情故事就由此展開。當時，Adrian決定從約她看電影開始約會。當時除了Adrian，無獨有偶地亦有另一名男子，在同時間邀約她看電影，兩套都是superhero的電影，一套是中國神話英雄片《西遊記》，另一套是《美國隊長》，最後她選擇了與Adrain約會。李璧琦以為男仔約會女仔嘅時候通常會選擇一啲浪漫嘅電影，想不到之後兩次約會他都仍然係約她睇Marvel電影。

曾兩度求婚

拍拖3年，Adrian向李璧琦求婚，他承諾要讓璧琦每天臉上都會掛著歡笑！李璧琦：「兩年前嘅Boxing Day求婚，雖然當時我答應咗，但係因為對婚姻恐懼同埋各種掙扎令事情一路都未進行。」今年三月，Adrian 拿著一條寫上 Smile 的頸鍊，在英國一家很浪漫的餐廳中再度向璧琦求婚，Becky：「諗返我哋一齊咁多年嘅甜蜜時刻，由邀請佢返教會到見證佢成為基督徒。大家一齊學習相處之道、互相鼓勵、一起成長，我終於喺佢身上搵返失去咗嘅信心。」於是，二人隨即決定今年7月舉行婚禮。

璧琦眼中的未婚夫

被問到未婚夫的吸引之處，璧琦甜絲絲道：「男友係家中長子，自細養成一種願意承擔同照顧人嘅性格，最重要佢都係一個愛主嘅人，正好符合我一直尋找嗰位能夠成為我的「頭」嘅渴望，聖經話「男人是女人的頭」嘛！

冲繩拍婚照

二人到日本沖繩拍婚照，由從北京飛來的法籍攝影師和另一位從京都飛去的華人攝影師朋友操刀，李璧琦告知：「出發之前天氣報告話嗰幾日沖繩都係陰天驟雨，所以我哋好努力祈禱！結果正式影相嗰日，太陽、藍天、夕陽都出晒嚟，真係非常興奮同感恩！不過原來藍天之下影相反而仲大挑戰，因為Adrian影唔慣相，攝影師要用唔同技巧捕捉佢睜大眼嘅一刻，同埋我係咁講笑話令佢放鬆同投入。仲有，我哋兩個平時出街都好少好親暱咁，連手都無拖，所以影沙灘、汽車、街景等係第一次我哋喺公眾地方咁親暱，估唔到會有啲靦腆！不過啲相超出預期咁靚、咁自然，好開心啊！」