【特約小編陳凱琳】專訪高登女神鄧麗欣大起底！

celeb
by charly lam
14/11/2018

知道陳凱琳（Grace）同鄧麗欣（Stephy）最近因為拍薛可正新戲《起底組》而friend咗，為咗起到呢位高登女神Stephy的底，我哋決定似熟賣熟邀請Grace做shebrides特約小編，仲喺高登討論區搜尋了一些巴打絲打想知道女神Stephy的問題和留言，還有關於結婚的尖銳問題，成日都話「寧得罪拉登，莫得罪高登」，睇吓Stephy點回應！

P.S 片尾有Grace同Stephy的爆笑彩蛋，千其唔好miss咗呀！！！

Stephy有戲味！

由葉念琛系列的阿寶，到《空手道》的平川真理，Stephy由一哭二鬧的美女偶像變成演技派演員，可以看到Stephy的演員光茫愈來愈刺眼得掩不住。今次拍攝由《男人唔可以窮》的網絡人氣作家薛可正執導的《起底組》，電影藍本來自2014年聖誕節前夕轟動全港的灣仔解款車馬路跌錢案，Stephy飾演壓抑沉穩的女警柯梓楠（注意是有皇氣的女警，不是行行企企那種警花），愈內斂的角色愈顯深度，今次值得一睇，因為，Stephy，很有戲味！

貼地題材港式特色

解款車馬路跌錢案，錢，執定唔執？執錢者被高登起底，當年有邊個香港人無follow過呢單案件？但事件最終結局，小編利申：我真的不知道！Hot Topic從來都是一窩蜂，高潮過咗就散場，有幾多個會死守到字幕播完？《起底組》正正就係捉到路，剛好俾我哋呢班羊群一個答案嘅機會，而且俾到我哋嘅唔單止跌錢案結案陳詞，仲有香港最貼地嘅網絡文化、最港式的有限嘅資源大製作和最久違的尖沙咀風光。

特約小編陳凱琳專訪高登女神鄧麗欣大起底