陳茵媺復出孖老公陳豪夫妻檔拍劇！「絕世好老公」結婚9年恩愛如昔秘訣： 每天都會攬攬錫錫

陳豪在TVB熱播劇集《白色強人2》飾演醫生角色，十分受歡迎！陳豪與老婆陳茵媺結婚9年依然甜蜜如初，即使育有三位小朋友，他們仍恩愛如昔。多年沒有出現幕前的陳茵媺更孖住老公陳豪夫妻檔拍劇《羅密歐與祝英台》，令人超期待！陳豪近日在楊詩敏（蝦頭）、連詩雅的網絡訪談節目《絲打圍佬》中，大談結婚9年的夫妻相處之道！

陳豪、陳茵媺初相識互相有好感

陳豪在《絲打圍佬》中回想起與陳茵媺認識的瞬間，陳豪坦言不是一見鍾情，而是慢慢認識對方，開始有交流才互相有好感，陳豪表示與陳茵媺在拍攝劇集《心戰》後才正式拍拖：「認識陳茵媺嘅時候叫做有啲經歷，大家未有心情談戀愛。反而認識愈耐就愈覺得，尤其係年紀，聽到同佢差10年令我覺得好似好match，行落去發現性格好match，taste、感覺全部都match，好多嘢就順理成章變得更好。」

陳豪、陳茵媺夫妻之道一：家中的分工明確

陳豪、陳茵媺結婚多年依舊甜蜜，陳豪就分享其中一個秘訣就是在家中的分工明確。陳豪主外，太太陳茵媺則主內。陳豪表示：「男人學做男人嘅嘢，女人學做女人嘅嘢，唔係性別歧視……屋企好多嘢都要女人做主導，太太、媽媽喺屋企話晒事，而男人就負責出面嘅嘢，點將收入拎番屋企，大家互相配合就唔會有衝撞。」

陳豪、陳茵媺夫妻之道二：尊重、溝通為出發點

陳豪又分享自己與陳茵媺從未吵架，陳豪表示他們會以尊重、溝通為出發點「會有意見不合，大家會去溝通，有唔出聲、大家擰歪面，但從來冇好似鬧交咁去講任何傷害性嘅說話，而去破壞我哋之間嘅關係，一句都冇。」

陳豪、陳茵媺夫妻之道三：定立「愛情密碼」

陳豪、陳茵媺維繫着透明、互相尊重對方感受的婚姻關係，他與陳茵媺亦有專屬的「愛情密碼」：「大家之間冇秘密，我哋都有一個緊急密碼，當鬧到面紅耳綠，甚至嘈到離婚咁濟，大家講個密碼就要即刻放低晒所有嘢，要去愛對方、接受對方。」

陳豪、陳茵媺夫妻之道四：Keep住有二人世界

不少夫妻在生小朋友後都會忽略二人世界，笑言當三位小朋友長大後就會「拍拍籮柚走咗去」，所以更加要維繫與陳茵媺之間的愛，他表示：「應承咗每年都要一個二人世界嘅trip，冇小朋友，齋老公老婆，盡量維繫之間關係，盡量拍下拖。細路仔就分開同佢哋再出去，但疫情就冇，但都有獨立分開去staycation，更會每日攬攬錫錫。」

陳豪直言：「尤其有咗小朋友，好多時間、精神，心血都放喺教細路哥，變咗有時會忽略大家之間關係，而其實家庭中嘅愛係好緊要，就要睇夫妻間做得好唔好，細路仔先可以喺充滿愛嘅環境長大，佢哋嘅笑容入面先會見到陽光。」更指希望這份愛可以在家中孕育下去，事事家庭為重，果然是「絕世好老公」。