婚禮和聖誕分別是新人和情侶的大日子。如果你的朋友跟林依晨一樣，於平安夜或聖誕搞婚禮，你又是否真的完全不介意放棄和伴侶或家人共渡佳節，而出席婚禮呢？shebrides 就請了 she.com 的編輯和客席編輯們分享他們各自的看法！
型男專欄作家 王貽興
「哈哈，咪當佢婚禮係 party 咁照去囉！酒水免費之餘，仲有人表演埋你睇，good 吖！」
美女主持及主播 黃婉曼
「對方嘅婚宴一世人得一次，但聖誕 party 年年都有，所以呢條絕對唔係一條難題。作爲啱啱結婚嘅新娘，明白被邀嘅朋友都係對新人好重要，所以我一定會去婚禮！」
議員作家 鄺俊宇
「要睇吓嗰位結婚朋友嘅相熟程度，我都試過因為一位老友嘅婚禮，特登去改機票，重點始終係嗰位朋友值唔值得你犧牲喇！」
電影編劇、作家 Ja Poon
「如果時間夾到，會先去婚禮，等婚禮完咗再去 party，因為 party 一般都比較夜開始。」
編劇、監製及作家 陳詠燊
「如果係好朋友，我係唔介意嘅。望住朋友結婚，會令聖誕變得更 warm 添。但如果係唔熟嘅…… sorry，放低人情我就會走。」
she.com beauty editor Athena Poon
「假如我係單身，我絕對唔介意喺大時大節去 wedding，有人準備好節目等我去係絕對 welcome。但如果我有拍拖又無請我男友，應該食到一半就會走。
p.s. 如果是好朋友就當然會留到最夜。」
人氣絲打作家 又曦
「聖誕年年有，但好姐妹結婚，一世人只得一次。所以，梗係幾時都係姐妹行先啦！一路慶祝姐妹結婚，同時慶祝埋聖誕，perfect！」
看來大家的重點，都不在於婚禮會否阻礙自己跟伴侶過聖誕，而是對方是否值得自己，去為他們的婚禮獻出一個佳節晚上。下星期，shebirdes 將會向新人教授各種婚禮秘訣，令賓客即使在聖誕夜參加婚禮，也能樂而忘返，不再急急腳早走！
