advertisement

【新娘教室】蘋果身形點揀婚紗?婚紗達人教5大重點

大部分新娘都十分緊張自己穿上婚紗的樣子,但身形問題往往就是最大困惑。除了肥和瘦,還有各種身形不勻稱的問題;其中擁有蘋果身形的女生真的很煩惱,因為明明不算太肥,卻因為上半身的比例問題,視覺上看似「好大隻」。蘋果身形的特徵是上身橫、背厚、手臂粗和腰線不明顯,婚紗達人Natalie表示︰「過往都有唔少屬於蘋果身形的準新娘來揀婚紗,起初佢哋都好煩惱,其實只要揀啲可以遮到上半身顯肥位置嘅款式,一樣可以有個完美靚靚婚紗造型。」

蘋果身形特徵︰上身橫、背厚、手臂略粗、腰線不明顯

重點一︰不選一字肩和low-cut

婚紗達人Natalie︰「針對上身橫嘅身形,新娘係唔應該揀一啲low-cut或者係一字肩的款式,因為會突顯出厚背和粗手臂,咁樣反而會令到上半身睇起上嚟再橫啲!」

重點二︰別穿喱士長袖款

婚紗達人Natalie︰「如果蘋果身形仲伴隨埋手臂粗的話,千祈唔好揀一啲喱士長袖嘅款式,有人會認為長袖可以遮手臂,但因為喱士pattern反而會令手臂線條睇起來更膨脹,咁樣就會令手臂睇起嚟粗上加粗喇。」

 

 

重點三︰宜選off-shoulder設計

婚紗達人Natalie︰「蘋果身形應該揀off-shoulder款式,咁就可以遮到手臂喇;尤其係一啲“dup“袖設計,可以遮到byebye肉,咁就顯得冇咁肥。」

(Kara by Enzoani  售$17800, 租$8600 @foi wedding)

 

重點四︰穿有腰帶款式

婚紗達人Natalie︰「針對腰線唔明顯的準新娘,揀婚紗時,最好要有腰帶款式,視覺上睇起上嚟條腰會幼啲,突顯返S curve身形。」

(Kendrix by Enzoani  售$16800, 租$8600 @foi wedding)

 

重點五︰選擇V領背心款

婚紗達人Natalie︰「V領背心嘅款式是最佳選擇,因為背心肩帶可以修飾返粗手臂,無論喺正面睇抑或側面睇起上嚟手臂都會幼咗;加埋V領設計,就有拉長上半身嘅效果喇!」

(Kelly by Eddy K  售$22800, 租$9980 @foi wedding)

 

COORDINATION : Joey Chen

MODEL : Christie Lau

VIDEOGRAPHER : Keith Au & Johnny Yau

EDITING : Riva Tam

WARDROBE : Foi Wedding

VENUE : Foi Wedding