移英前夕男友失業經濟壓力大釀分手！港女痛哭大呻「每日都好抑鬱」網民表示：仲留戀做乜？

移英｜英國是不少香港人移民的第一選擇，不過從計劃到實行，背後所需要的資金和準備都要十分充裕。近日，有港女在facebook群組「英國香港人生活交流區」發文表示，早前已經跟男朋友計劃移民到英國，可惜在移民前夕鬧分手，現在不知所措！如果你是樓主，你又會怎樣做？

港女因移英與男友分手

樓主在facebook群組中發文，指原本打算跟男友在今年初移民到英國，不料他在移民前突然失業，經濟壓力開始加大，樓主表示：「我都唔介意日常開支我畀住先，點知佢仲成日同佢班朋友花天酒地。」

其男友經常以「之後唔知要幾耐先有得見」為藉口，整天跟朋友們外出飲酒，樓主亦因此事跟他吵架，男友卻提出要分開冷靜，最終在3日後提出分手，取消移民的打算。「話經濟壓力好大，同我相處壓力更加大，話好多嘢都係我逼緊佢咁。」

但是，二人早已在英國當地租屋，亦購置了傢俱，連男友家人送他們的車亦已運送到埗，所以樓主硬著頭皮一個人先行前往當地處理。到達英國3個星期裡，樓主表示自己「每日都流好多眼淚」、「每日都好抑鬱好難過」。及後收到一封電郵，得知男友已搬回自己家中，卻沒有處理雙方「愛巢」退租、搬運等手尾，要她回港自行處理。

樓主回港後，卻發現男友一如以往沒有尋找工作：「佢俾我感覺冇動力去搵工，反正食屋企著屋企，就連之前要找卡數都係問呀媽之前俾佢移民嘅錢找」。

另一邊廂，樓主指在香港、英國都有尋找工作，英國亦初步有數間公司跟她線上面試，她對男友仲未放手仍想跟他一起，故此對於是否自己先行移民英國，或是繼續留港等待男友準備好再過，她感到十分苦惱。

對此，有網民認為樓主男友十分有問題：「明知道男人唔啱自己對佢咁失望仲留戀做乜？」、「人生係你自己嘅，而唔係為咗其他人去生存」、「無論留喺香港定係過去英國，都唔應該同呢個男人一齊啦」、「佢只係一個拖累你嘅人」。

但是，亦有網民認為樓主不能跟男友共患難：「痴孖筋，條仔咪話分手仲要車都比埋佢，仲想點」、「你洗人地錢個陣就老馮，而家有難人洗你就抑鬱」。雖然網民意見兩極，但是亦有不少人勸樓主要三思，不要太感情用事。