千奇百趣出位婚紗你敢穿？

學彭玲唱道：一世穿一次小玩意，是你畢生大志。若然真的當玩意，就要豁出去，挑特別創新有趣的款式了！以下各款出位婚紗，保證令你大開眼界！有幾趣？請比趣！

迪士尼公主幾乎是全球小女孩的偶像，公主的戲服長賣長有。加拿大一間專門做印度風格的婚紗店Wellgroomed Designs，別出心裁地將印度傳統婚紗照打造為迪士尼公主系列，不僅保有印度服飾特有的華麗感，在攝影師Amrit Grewal的鏡頭下，畫面更是奇特、夢幻。唔知幾時會出Frozen系列呢？

現今的蒙古族婚紗禮服已經有了明亮而大膽的顏色和款式，不過俄羅斯剪紙藝術家Asya Kozina認為顏色會分散人們對於服裝細節的注意力，為了突出藝術美感，特意在蒙古族婚紗原形的基礎上，起用白色的紙來創作，成品既有古典巴洛克風格，又有未來主義的感覺，讓人歎為觀止！不過穿上身後，一整天都不可坐呢！

看周董老婆昆凌穿的拖尾款的婚紗，感覺就像童話公主般夢幻。外國有新娘子做了一條長兩欲公里的婚紗，喻意長長久久。不過新娘子得要坐氫氣球吊起，才得見全裙原貌，認真大陣仗！

新娘子在Big Day的唯一任務就是以最美一面示人，為了保持扁平腹，又或顧著招呼和拍照，很多時候都忘了要吃東西醫醫肚。這條蛋糕婚紗，就可以解決兩難了！不過，新娘子要全晚企定定，到最後食晒，唔知會變成點呢？

短裙婚紗係大潮流，用報紙造更加是走在最前。睇呢件報紙婚紗，短裙+ruffle+one shoulder設計，既trendy，又成件artpieces咁，一定可以吸引全場目光。

明明知道婚紗只會穿一次，女士們都願意大灑金錢買條only one，然後長存衣櫃。既然一殺那光輝都可以永恆，這條用廁紙造的婚紗，驟眼看甚有氣勢，用來影pre-wedding的確一流！Big Day正日就免了，怕酒水弄濕後會「裙」不附體就唔好啦！

朱古力喻意甜甜蜜蜜，用朱古力做婚紗，更加是甜上加甜啦！玩埋朱古力雕花，款式可以好百變！好彩呢件係白朱古力，若然係黑朱古力，溶化之後的樣子實在不敢想像呢！

坦白而言，一看到張圖，的確忍俊不禁，攪甚麼鬼呀！十足在街頭派傳單推銷似的！但睇真d，原來是1965年，由YSL大師設計編織的！噢，失覺曬，唯嘆一句：「fashion嘅嘢，你識咩丫……」

低處未算低，看到這裡，小編無言了……

千奇百趣 出位婚紗你敢穿？