- style & beauty
- by joey chen
- 18/11/2020
在全球疫情下，大家的生活都有不少改變，就連結婚這人生大事都跟往日有少許不同，準新人都希望婚禮儀式能夠化繁為簡，舉辦「輕婚禮」正是大勢所趨，整個婚禮流程變得簡單又舒服。別以為不能飛去海外，留在香港的婚禮場地選擇就會少；其實除了陸地，還可以在海上結婚！婚禮達人Tim Lau帶大家上船舉辦輕婚禮，更有資深化妝師ChiChi Wu分享度假風新娘妝貼士。
婚禮達人Tim Lau︰「依家流行輕婚禮，準新人希望自己嘅婚禮儀式簡單啲舒服啲，雖然簡單，但對於婚禮場地選擇係一絲不苟，希望場地靚之餘，如果望到海就更加好。試幻想下如果婚禮場地可以有一個360度海景就好perfect。今次帶大家去海上舉行婚禮，一齊上玻璃船！」
全港獨一無二的玻璃船來自FLOAT Wedding，共有兩層面積超過3000呎，就像是一個浮動的Villa。Tim Lau︰「準新人同賓客可以在海上享受一個私隱度高又獨特的婚禮體驗。船上仲有好多打卡位，雖然依家飛唔到，但係海上婚禮就好似去咗外國結婚一樣咁relax。」
玻璃船裏面嘅設施應有盡有，包括有戶外人造草地證婚區、露天吧枱、獨立新娘房、室內及室外屏幕、音響系統簽名枱等等。如果大家想將婚禮變成一個半戶外的wedding party，這裡就最適合不過了。
想婚禮好像出海度假咁？玻璃船有兩個航行路線俾大家選擇，可以揀維多利亞港路線，又或者南港島區路線。而玻璃船嘅接送地點可以選擇中環、觀塘、銅鑼灣及香港仔，方便一眾親友上落船。
Tim Lau︰「除咗舉行婚禮儀式之外，玻璃船上邊當然唔少得係俾一眾親友一齊食餐飯，玻璃船會泊在避風塘，安排buffet或者西餐，甚至可以食到由南丫島海鮮酒家提供的生猛海鮮中菜。」
在海上舉行婚禮有些事項要注意，第一，戶外的物資道具要固定好，以免大風會吹走。第二，在big day之前要做好資料搜集，看看行程路線的景點，哪裡是你和另一半的心水選擇，然後跟船家好好溝通。
在玻璃船上舉行婚禮，比較多戶外時間，準新娘需要注意妝容和髮型上一些細節，由資深化妝師ChiChi Wu分享貼士給大家。ChiChi Wu︰「海上婚禮通常唔會揀太隆重嘅婚紗，我哋會選擇一啲輕便飄逸嘅婚紗款式，妝容方面我哋會揀一啲隨性舒服嘅度假妝。」
ChiChi Wu︰「由於吹海風容易潮濕，底妝要比較透薄輕爽。眼妝方面建議光澤感嘅橘色眼影同防水睫毛膏。在陽光底下，化上可以明亮膚色嘅淡珊瑚色胭脂會特別靚。嘴唇建議用蜜桃色系，睇落會更加精神；最後記得要做返定妝步驟。至於髮型方面，我就幫佢做咗一個馬尾款式，即使太大風都唔會咁易散亂。」
COORDINATION : Joey Chen
VIDEOGRAPHER : Keith Au、Johnny Yau
EDITING : Gloria Woo
VENUE︰FLOAT Wedding
MODEL︰Christie Lau、Randy Shiu
MAKEUP & HAIR︰Chi Chi Wu Makeup
WARDROBE︰Bliss Bride Couture、SWAROVSKI
想打造出最完美的輕婚禮，留意shebrides一系列 #輕婚禮 資訊。
延伸閱讀︰【輕婚禮提案】沒有華麗浮誇卻仍很美！2020-21輕婚紗推介（持續更新）
延伸閱讀︰輕婚紗必配白波鞋！編輯網購推介︰厚底、金邊、銀釘、喱士增添華麗感
