advertisement

【新娘教室】155cm女生必學婚紗顯高穿搭法

一個成年人的身高幾乎都是天生的,雖說女生不用太高,但當穿起婚紗時,就突然會十分羨慕高大的女生能夠撐起漂亮的婚紗裙。大部分亞洲女生都是個子不高,很多都介乎155cm左右,究竟穿哪種款式的婚紗才好看?婚紗達人Natalie表示︰「矮嘅女仔如果揀得啱婚紗,其實155cm睇起上嚟都可以變成170cm!等我教下嬌小新娘子應該點揀婚紗喇。」

 

重點一︰注意腰位設計

婚紗達人Natalie︰「第一要留意腰位嘅設計,盡量揀啲有腰帶嘅款式,而腰帶位置就要比正常嘅腰位高一吋左右。不過要注意,唔好揀一啲高腰或者束胸嘅款式,才能在視覺上睇起上嚟對腳會修長啲。」

 

重點二︰裙款不能累贅

婚紗達人Natalie︰「記得留意款式嘅設計,千祈唔好揀一啲層層疊嘅蛋糕裙,又或者喺大腿以下先至散開嘅魚尾裙款式。如果你真係鍾意收hip嘅設計,可以揀一啲由hip位開始散開嘅Trumpet款式,咁樣對腳就會顯得比較修長。」

 

重點三︰慎選質料

婚紗達人Natalie︰「另外,要由質地着手。千祈唔好揀一啲裙腳有粗喱士邊或者彈力網嘅款式;而是要揀一啲緞面嘅婚紗,因為方便改短。長度啱返身高,再加埋高踭鞋,配合起上嚟就唔會顯得矮咗了。」

重點四︰前短後長裙款

婚紗達人Natalie︰「其實比較矮小嘅女仔都可以揀返一啲前短後長嘅款式,咁亦都有顯高嘅效果㗎。。」 COORDINATION : Joey Chen MODEL : Christie Lau VIDEOGRAPHER : Keith Au & Johnny Yau EDITING : Riva Tam WARDROBE : Foi Wedding VENUE : Foi Wedding